اسكتش ابلسة

أم أواب

أم أواب: عدد المساهمات : 217
نقاط : 537
السٌّمعَة : 10
تاريخ التسجيل : 16/02/2010

مساهمة رقم 1

اسكتش ابلسة

من طرف أم أواب الثلاثاء أبريل 20, 2010 4:07 am

ابلسة

(يظهر شخصان فى صورة اثنان من الشياطين أحدهما كبير (معلم), والآخر متعلم (أبلسة) يحاولان إخراج أحد المصلين من الصلاة )

(يظهر أبلسة على المسرح يلعب ويلهو)

إبليس: يا أبلسة عيب انت كبرت ولازم تتعلم حب أوامر إبليس الأعظم

أبلسة: لا يا عمو انا عايز ألعب مع الأولاد والشياطين الصغيرين

إبليس: لكن يا ولدى دى رسالة لازم نؤديها وهى إٌضلال البشر, يا أبلسة علم تضليل وإغواء البشر له قواعد وأسس علمية وضعها المستحق للعنة الله جدنا الكبير إبليس الأعظم

(وفجأة يظهر على المسرح شخص يصلى )

أبلسة: عمو فى شخص بيصلى هناك.

إبليس: بيصلى .. وإحنا م قادرين نعمله حاجة عالعموم دى فرصة عظيمة لتدريبك .. أبلسة انا عايزك تخليه يخرج من الصلاة

أبلسة: إزاى يا عمو

إبليس: روح قوله فى ودنه المحفظة فين ..

أبلسة: ..(عند المصلى) المحفظة فين... عمو بيقولك المحفظة فين

المصلى: أعوذ بالله من الشيطان الرجيم

(يفزع ابلسة ويرجع إلى إبليس )

إبليس: إيه اللى حصل أنت قلت له إيه... وإ يه اللى عمل فيك كده

أبلسة: دا الراجل قال أعوذ بالله من الشيطان الرجيم

إبليس: ع العموم يا أبلسة انتظر هنا ولكن شوف أنا هاعمل إيه

إبليس:.. (يذهب إلى المصلى ويقول له) إخشع.. إخشع.. أوعة تفكر فى المحفظة ولا فى أى حاجة.. محفظة إيه يا راجل

المصلى: (يتمايل ويظهر خشوعاً واضح )

إبليس:.. (يصر على كلماته) اخشع.. اخشع.. .(والمصلى يهز رأسه ويبدأ فى الخشوع)

إبليس: لكن المحفظة فيها المرتب وممكن تكون فى جيبك.. طب شوفها كده فى جيبك

المصلى:.. (يضع يده فى جيبه باحثاً عن المحفظة)

إبليس: اخشع.. اخشع يا راجل... الصلاة أهم... الله بس أنت عارف سنية وعمايلها مش ممكن

المصلى: ..(يبدأ نفس حالة التفكير)

إبليس: اخشع.. اخشع لكن أكيد المحفظة تحت المرتبة وأكيد سنية خدتها وفيها المرتب

المصلى:.. (حالة التفكير بشدة)

إبليس: ..(هاه.. افتكر المحفظة.. المرتبة.. سنية.. أكيد هيه

وفي هذه اللحظة يأتي صوت من الخلف يتلو الآية (يا أيها الذين آمنوا لا تتبعوا خطوات الشيطان ومن يتبع خطوات الشيطان فإنه يأمر بالفحشاء والمنكر ولولا فضل الله عليكم ورحمته ما زكى منكم من أحد أبدا ولكن الله يزكي من يشاءوالله سميع عليم)

فدا الإسلام

فدا الإسلام: Admin; الجنس :
عدد المساهمات : 5174
نقاط : 10267
السٌّمعَة : 210
تاريخ التسجيل : 02/07/2009
الموقع : مصر
العمل/الترفيه : مهندسة
المزاج : نشيط
تعاليق : لاإله إلا أنت سبحانك إني كنت من الظالمين